باب الجرح

الشاعر رياض الجبوري
قصيدة باب الجرح …
……………………………
تكنس باب جرحي بوكت الغــروب
…………………وتــرزقني الصبح جرحين حلــوات
مامستحب تكنس وكت الغــروب
………………….بس اجـروحي عندك مستــحبات
يلي مصفن شعوري بيوم ملكاك
………………….على ملكاك عندي اهواي صفنات
انه بشوغة نفـــــس وتأمل اتـعود
…………………هوة ..بس للاسف تخنك الريـــات
شايف رجفت ايدي امن ارد احاجيك
………………….كلبي هيج يرجفلك حرامــــــــات
تزعلني بجرح تحجيلي جلمـــات
………………….مو جلمات جن بصدري جيـــــلات
هلكد ما اجروحك كثرن ويـــــــاي
………………….تعزفلي الجروح اللحان واصـــوات
حجي الليل طبعة ايموت ويــــاك
…………………..وانه الصبح عندي ايشيع امواااات
كمت جلكاتك اكتبهن على الروح
………………….وشم حطيتهن ماجنها جلمــــات
وكتبت احروفك انت اعلة التوابيت
………………….اكتبت جلماتبس اقراها جل مات
وعيش ابذلتك كد مستحة الروح
…………………وحك ربك صدك كمت احسد المات
مثل عمر الجـــــكارة و حبك وياي
…………………..تشهكني نفس وذبنــي حسرات
وانه عمر النخل حبيتــــك بشوك
……………………علاقة نخلة ويرامــــــوها شمات
واسلطن حيل كلش من احس بيك
……………………ساكت بس سكوتك بيه صرخات
انه اشما اريد اكصرخطوتي وياك
……………………تجيــني بلحظة وتكـبر المسافات
صرت مثل القصيدة التنبني بخوف
……………………..كلها اجروح بس بصــــورة ابيات
يل كلك كباحة من ارد احــاجيك
……………………..وابد ماتستحي من تلكة شمات
وانه حيل استحي من طاري العتاب
……………………..اخافن ماي وجهي ايصير دمعات
يبات بحضني جرحك واستلذ بي
……………………..وجرحي بغير حضنك يرفض يبات
بعد رفض الزعل والعتب واللـــوم
……………………..يذبحني الشعور الكلة مأســـات
واصيرن ذكرى بس مرسم على الكبور
……………………..وامي اعلة الكبر تشتل علامــات
(وانت اعلة الكبر تشتل علامـــات)

شكرا للمرور نورت

شكرا لك موضوع رائع يا بطل

شكرا لك

شكرا لك